من الشعر العامي الحر
بقلم شريف منسي
##########
شمال ويمين .....؟؟
ودنيا فيها عايشين
نشقي ونتعب ومش عاجبين
نعمل ايه علشان نرتاح
وتبقي الدنيا لينا براح
والغلبان يقدر يعيش
وليه عليه دايسين
يا دنيا منك زهقت
والعمر اهو ولي وراح
طبل ورقص ومزامير
زحمه وهيصه كتير
ناس معاها وناس الدنيا وخداها
وناس شغلتها نم وكلامها عسير
تعبت منهم واروح بس لفين
كله في طحونه .....!!
وصاحبها ما عنده ضمير
سانن سلاحه من غير تفكير
طيب يا عم ارحم بقي
عبد ضعيف وفقير
ربك بيرحم وانتم ليه اسيين
بكره هتكون في طحونه اكبر
ولا انتم كدا ناسيين
زنوب وهم وحمل تقيل
ليه شايفين الدنيا معاكم
وناسيين ان في رب كريم
قادر يقول للشيئ كن فيكون
ارحمو بقي ....... شويه
وفكرو انه جاي ..... يوم
مش نافع فيه مال وبنون
ماهي طحونه كتير قلابه
يوم معاك وبكره عليك
الحق نفسك قبل الندم
ساعتها الندم مش هيفيد
حملك يبقي تقيل علي ظهرك
وابقي ساعتها قول انا مين
**********
########
------------------------------------------------------------
بقلم : ابراهيم المنسي
--------------------------------------------------------------------
------------------------------------------------------------
بقلم : ابراهيم المنسي
--------------------------------------------------------------------
حرف جميل جدا شريف المنسي لك مودتي
ردحذفشريف منسي....ما أجمل كلماتك عندما تنبعث من صادق أحساسك ...
ردحذفارتقيت ببراءة حروفك إلى علو المعاني رائعه هي كلماتك .. كروعتك ودائما تأتينا بكل ما هو جميل ...لك تحية من صميم قلبي.. عزيزي